პარლამენტთან აქცია “სირცხვილიას“ ფარგლებში მუსიკოსები აქცია-კონცერტს გამართავენ. აქციის ორგანიზატორები უკვე 2 კვირაა, რაც პარლამენტთან დემონსტრაციებს მართავენ. მათი თქმით, მე-15 დღეს პროტესტს მუსიკოსებიც შეუერთდებიან.

რაც შეეხება მომღერლებს, ხუთშაბათს დაგეგმილ კონცერტში მონაწილეობას მიიღებენ:

KayaKata;

სოფო ბათილაშვილი;

ნიკა კოჩაროვი;

ერეკლე დეისაძე;

მწვანე ოთახი;

მარტივი გამოსავალი;

ჯგუფი არა;

რობი კუხიანიძე;

მაია დარსმელიძე;

გია თოიძე;

გიორგი უშიკიშვილი;

თამრიკო ჭოხონელიძე;

ანიტა რაჭველიშვილი;

თერიკა და დასავლელი;

Kung Fu Junkie;

Bedford Falls;

Mellow

LOUDspeakers;

The BearFox;

Four Dimensional Monster Lobsters.

რაც შეეხება აქციის ფორმას, გუშინ, 2 ივლისს ორგანიზატორებმა განაცხადეს, რომ პარლამენტთან პერმანენტულ შეკრებებს ფორმა შეეცვლება. მათი თქმით, ისინი ტერიტორიაზე სამუშაო სივრცეებს მოაწყობენ, პერიოდულად კი მშვიდობიან მარშებს გამართავენ.

საქართველოს ხელისუფლებამ 20 ივნისს ძალის გამოყენებით დაარბია საპროტესტო აქცია, სადაც ხელისუფლების ზოგი მაღალჩინოსნის გადადგომას მოითხოვდნენ საქართველოში რუსეთის დელეგაციის ვიზიტთან დაკავშირებით. პოლიციამ დარბევისას გამოიყენა ცრემლსადენი გაზი და რეზინის ტყვიები, რომლებსაც, თვითმხილველების ცნობით, დამიზნებით ესროდნენ ადამიანებს. შედეგად, დაშავდა 240-ზე მეტი ადამიანი, მათ შორის, 80 პოლიციელი.