კარასინის განცხადებით, პაუზა რუსეთისა და საქართველოს ურთიერთობების ნორმალიზებაში არ არის.
“დგება პერიოდი, როდესაც უნდა იფიქრო, როგორ მოიქცე მომავალში, ყველაფერი გააანალიზო. სიტყვა “პაუზა” მე არ მომწონს. ნორმალიზაცია გაგრძელდება იმ სფეროებში, სადაც ეს შესაძლებელია.
ჩვენ საქართველოს წარმომადგენლებთან ერთად ვფიქრობთ იმაზე, როგორ ვიმუშაოთ მომავალში. ახალ წლამდე, სავარაუდოდ, შეხვედრები არ იქნება. ვფიქრობ, ახალი წლის დასაწყისში შეხვედრის თარიღზე ვიფიქრებთ,”- განაცხადა კარასინმა.
სავაჭრო, ეკონომიკურ და ჰუმანიტარულ საკითხებზე არაფორმალური დიალოგი რუსეთმა და საქართველომ 2008 წლის აგვისტოს ომის შემდეგ პირველად დაიწყეს. პირველი შეხვედრა რუსეთის საგარეო საქმეთა მინისტრის მოადგილეს, გრიგორი კარასინსა და რუსეთთან ურთიერთობების საკითხებში, საქართველოს პრემიერ–მინისტრის სპეციალურ წარმომადგენელს, ზურაბ აბაშიძემ შორის 2012 წლის 14 დეკემბერს შვეიცარიაში შედგა და მას შემდეგ სხვადასხვა პერიოდულობით იმართება.
