ნიუ-იორკში, მანჰეტენზე, ვერტმფრენი ცათამბჯენს შეეჯახა. საერთაშორისო მედიის თანახმად, შემთხვევას პილოტის სიცოცხლე შეეწირა.

BBC-ის თანახმად, ვერტმფრენი შენობის ზედა ნაწილს დაეჯახა, რის შემდეგაც სახურავზე ხანძარი გაჩნდა. ცეცხლი მეხანძრეებმა უკვე ჩააქრეს. შენობაში მყოფთა ნაწილი მაშველებმა გამოიყვანეს.

787 7th ave, #midtown NYC. We’re 1 block south. 20 mins ago there was a loud sound like a too-low #helicopter & I looked up and saw sheet of flame on roof and then smoke. News reports saying helicopter/small plane crash onto roof which would be consistent with what I heard/saw. pic.twitter.com/swY3ksLskH

— Lance Koonce (@LHKoonce) June 10, 2019

“ზოგიერთმა ადამიანმა, რომელიც შიგნით იყო, თქვა, რომ იგრძნო, როგორ შეზანზარდა შენობა”, – აღნიშნა ნიუ-იორკის გუბერნატორმა მედიასთან საუბრისას. მისივე თქმით, პირველადი მონაცემებით, დანაშაულის ნიშნები არ იკვეთება და ინციდენტის ერთ-ერთ ვერსიად ვერტმფრენის ავარიული დაშვების მცდელობა განიხილება.

აშშ-ის ფედერალური ავიაციის ადმინისტრაციის ინფორმაციით, ბორტზე მხოლოდ პილოტი იმყოფებოდა, რომელიც ავარიის შედეგად დაიღუპა.

მომხდარს უკვე გამოეხმაურა აშშ-ის პრეზიდენტი დონალდ ტრამპი, რომელმაც მაშველებს გაწეული სამუშაოსათვის მადლობა გადაუხადა.