შინაგან საქმეთა სამინისტროს მოწოდებული ინფორმაციით, 2014 წლის ოქტომბრის თვეში რეგისტრირებულია 2283 დანაშაული, რომელთაგან გაიხსნა – 1555. პოლიციამ რეგისტრირებული დანაშაულის 68,11% გახსნა. შსს აცხადებს, რომ წინა წლის ოქტომბერში 17,94 %-ით მეტი დანაშაული დაფიქსირდა.

 

შსს-მ დღეს 2014 წლის პირველი 10 თვის სტატისტიკა გამოაქვეყნა. სტატისტიკის მიხედვით, 2014 წლის იანვარ-ოქტომბრის თვეებში შსს-ს ტერიტორიული დანაყოფების საგამოძიებო ქვემდებარეობის მიხედვით რეგისტრირებულია 22086 დანაშაული, რომელთაგან გაიხსნა – 14369.

 

შსს-ც ინფორმაციით, დანაშაულის გახსნის პროცენტია 65,06%, ხოლო წინა წლის ანალოგიურ საანგარიშო პერიოდთან შედარებით დანაშაულის პროცენტული კლებაა -16,67 %.

 

გაზეთ “ბათუმელების” მიერ მომზადებული მასალის მიხედვით გაირკვა, რომ შინაგან საქმეთა სამინისტრო დანაშაულის არაზუსტ სტატისტიკას ავრცელებს. “ბათუმელებმა” გამოარკვია, რომ 2013 და 2014 წლების პირველი 5 თვის სტატისტიკაში ვერ მოხვდა რიგი დანაშაულებისა, რომელთა შესახებ თავად შსს-ს ვებგვერდზე იყო ინფორმაცია გამოქვეყნებული.

Leave a comment

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *