ახალი ამბები

პირს, რომელმაც ბავშვის თანადასწრებით მეუღლეზე იძალადა, 2-წლიანი პატიმრობა მიესაჯა – პროკურატურა

29 მაისი, 2019 • 919
პირს, რომელმაც ბავშვის თანადასწრებით მეუღლეზე იძალადა, 2-წლიანი პატიმრობა მიესაჯა – პროკურატურა

პროკურატურის ინფორმაციით, მეუღლის მიმართ განხორციელებული მუქარისა და ძალადობისთვის ბრალდებული სასამართლომ დამნაშავედ ცნო.

როგორც პროკურატურის მიერ გავრცელებულ განცხადებაშია ნათქვამი, თელავის რაიონულმა სასამართლომ სრულად გაიზიარა ბრალდების მხარის მიერ წარდგენილი მტკიცებულებები და მეუღლის მიმართ განხორციელებული მუქარისა და ფიზიკური ძალადობისთვის ბრალდებული კ.ღ. დამნაშავედ ცნო.

“სასამართლო პროცესზე გამოკვლეული მტკიცებულებებით დადგინდა, რომ 2018 წლის 26 დეკემბერს კ.ღ.  მისსავე საცხოვრებელ სახლში  მეუღლეს  ა.ხ-ს სიცოცხლის მოსპობით დაემუქრა, რა დროსაც უყვიროდა, რომ არ აცოცხლებდა.

სასამართლო პროცესზე ასევე დადასტურდა, რომ 2018 წლის 29 დეკემბერს კ.ღ-მ არასრულწლოვანი შვილის თანდასწრებით მეუღლეზე ფიზიკურად იძალადა”, – აცხადებენ პროკურატურაში.

სამართალდამცველებმა კ.ღ  2018 წლის 29 დეკემბერს დააკავეს.  მას  ბრალდება  სისხლის სამართლის კოდექსის 1261-ე მუხლის მეორე ნაწილის „ბ“ ქვეპუნქტით (ოჯახის ერთი წევრის მიერ ოჯახის სხვა წევრის მიმართ ძალადობა, ჩადენილი არასრულწლოვნის თანდასწრებით) და 111 -151-ე მუხლის პირველი ნაწილით (ოჯახის ერთი წევრის მიერ სხვა წევრის მიმართ სიცოცხლის მოსპობის მუქარა) წარედგინა და აღკვეთის ღონისძიების სახით პატიმრობა შეეფარდა.

თელავის რაიონულმა სასამართლომ  კ.ღ.  დამნაშავედ ცნო წარდგენილ ბრალდებებში და  სასჯელის სახედ და ზომად 2  წლით თავისუფლების აღკვეთა განუსაზღვრა.

მასალების გადაბეჭდვის წესი