ზუგდიდში საუბნო კომისიასთან ისროლეს – ოპოზიციის დამკვირვებელი

ზუგდიდში გაერთიანებული ოპოზიციის წარმომადგენელი ზოია ქვარცხავა ამბობს, რომ 87-ე საარჩევნო უბანთან ერთ-ერთმა პირმა ჰაერში ცეცხლსასროლი იარაღიდან გაისროლა.

დამკვირვებელი აცხადებს, რომ გადაიღო ავტომობილი, საიდანაც ის პირი გადმოვიდა, რომელმაც მისი დანახვისას ისროლა. მის მიერ გადაღებულ ფოტოზე მანქანის ნომერი ჩანს. ოპოზიციის ცნობით, მათთვის ცნობილია ავტომობილის მფლობელის ვინაობა.

დამკვირვებელი პოლიციაში გამოკითხვაზე მივიდა.

საუბნო საარჩევნო კომისიის თავმჯდომარე რ2-თან ამბობს, რომ ხმა მანაც გაიგო, თუმცა დარწმუნებული არ არის, იყო თუ არა ეს ცეცლსასროლი იარაღის ხმა. “უფრო ხლაპუშკას მივამსგავსე”, – ამბობს ის.

“აღელვებული შემოვარდა ეს ქალბატონი. განაცხადა, რომ სკოლის ეზოს გარეთ მიმდებარე ტერიტორიაზე დაინახა ვიღაც, რომელსაც იარაღი ეჭირა, ჯერ თითქოს, მას დაუმიზნა, შემდეგ ზემოთ გაისროლა,“ – რ2-ის ცნობით, განაცხადა საუბნო საარჩევნო კომისიის თავმჯდომარემ, ჟანა ყურუამ.

გაერთიანებული ოპოზიციის წარმომადგენელი თინა ბოკუჩავა ამბობს, რომ ესაა ოპოზიციის წარმომადგენლების დაშინების მცდელობა არჩევნების წინ.
ხვალ ზუგდიდში მერის არჩევნები უნდა გაიმართოს.

ამავე თემაზე

რას ჰპირდება ზუგდიდს მერობის 3 კანდიდატი [ხედვები]

ნეტგაზეთის მასალების სხვა გამოცემებში გადაბეჭდვის წესი
ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com