საქართველოს შინაგან საქმეთა სამინისტროს ინფორმაციით, ხაშურში ცოლის მკვლელობაში ბრალდებული კაცი დააკავეს.
უწყების ცნობით, ბრალდებულმა მჩხვლეტავი საგნის გამოყენებით ქალს ყელის არეში მრავლობითი ჭრილობები მიაყენა. ქალი ადგილზე გარდაიცვალა, ბრალდებული კი, შსს-ს განცხადებით, შემთხვევის ადგილიდან მიიმალა.
შსს-ს განცხადებით, დაკავებული დანაშაულს აღიარებს. გამოძიება დამამძიმებელ გარემოებაში ოჯახის წევრის მიმართ ჩადენილ განზრახ
მკვლელობის ფაქტზე, საქართველოს სსკ-ს 11 პრიმა 109-ე მუხლის მე-2 ნაწილის „ვ“ ქვეპუნქტით მიმდინარეობს. ჩადენილი დანაშაული 13-დან 17 წლამდე ვადით თავისუფლების აღკვეთას ითვალისწინებს.
