თბილისში ავტობუსის მძღოლი დაჭრეს

დღეს თბილისში, ბელიაშვილის ქუჩაზე, N46 ავტობუსის მძღოლი საჯდომის არეში, სავარაუდოდ, ცივი იარაღით დაჭრეს.

როგორს თბილისის სატრანპორტო კომპანიაში განგვიცხადეს, მძღოლი საავადმყოფოშია გადაყვანილი და მის სიცოცხლეს საფრთხე არ ემუქრება.

სატრანსპორტო კომპანიის ინფორმაციით, დადასტურებულად შეიძლება ითქვას, რომ დაპირისპირება მგზავრსა და მძღოლს შორის არ მომხდარა.

ნეტგაზეთს შსს-ში განუცხადეს, რომ მომხდარზე გამოძიება სისხლის სამართლის კოდექსის 118-ე მუხლით დაიწყო, რაც ჯანმრთელობის განზრახ განზრახ ნაკლებად მძიმე დაზიანებას გულისხმობს.

სამართალდამცავებმა მ ომხდარიდან რამდენიმე საათში დააკავეს ბრალდებული – 67 წლის კაცი.

ნეტგაზეთის მასალების სხვა გამოცემებში გადაბეჭდვის წესი
ავტორი
გიორგი დიასამიძე არის ნეტგაზეთის რეპორტიორი 2014 წლიდან. აშუქებს საზოგადოებრივ-პოლიტიკურ თემებს, სპორტს და სხვა მიმდინარე მოვლენებს. ასევე, მუშაობს განათლების, ადამიანის უფლებებისა და სოციალურ საკითხებზე.