სოფელ მამკოდაში ადიდებული მდინარის მეორე ნაპირიდან მაშველებმა ყველა ადამიანი უვნებლად გადმოიყვანეს. ამის შესახებ “ნეტგაზეთს” საგანგებო სიტუაციების მართვის სამსახურში განუცხადეს.
მეორე ნაპირზე 70–მდე ადამიანი იყო ჩარჩენილი. მათ გადმოსაყვანად სამაშველო ოპერაცია 4 მაისის საღამოს დაიწყო. დაახლოებით 60 მათგანი საგანგებო სიტუაციათა სამსახურის წარმომადგენლებმა მალე გადმოიყვანეს, თუმცა ნასვამ მდგომარეობაში მყოფი 15-მდე პირი მათ არ ემორჩილებოდა. ისინი სოფლის ტყის ერთ–ერთ მონაკვეთზე საქეიფოდ იმყოფებოდნენ. აღნიშნული პირების დაუმორჩილებლობის გამო ოპერაცია დილამდე გაგრძელდა.
უწყების თანახმად, ყველა მათგანი თავს კარგად გრძნობს.
სამაშველო ოპერაცია მამკოდაში: 70-მდე ადამიანი მდინარის მეორე ნაპირზე ჩარჩა