ევროსაბჭოს საპარლამენტო ასამბლეის პრეზიდენტი ოძისსა და წეროვანს ეწვია

ევროსაბჭოს საპარლამენტო ასამბლეის (PACE) პრეზიდენტი ლილიან მორი პასკიე 29 აპრილს თბილისისა და ცხინვალის მიერ კონტროლირებადი ტერიტორორიების გამყოფ ხაზთან იმყოფებოდა.

პასკიე ჯერ წეროვანშიც იმყოფებოდა, სადაც იძულებით გადაადგილებული ადამიანების დასახლება დაათვალიერა, შემდეგ კი გამყოფ ხაზთან სოფელ ოძისს ეწვია.

ლილია მორი პასკიე საქართველოში 28 აპრილს ჩამოვიდა. 29 აპრილს მან შეხვედრა გამართა პარლამენტის თავმჯდომარე ირაკლი კობახიძესთან.

შეხვედრის შემდეგ ერთობლივ პრესკონფერენციაზე პასკიემ განაცხადა, რომ PACE მზადაა, მხარი დაუჭიროს საქართველოს მთავრობას სამხრეთ ოსეთთან და აფხაზეთთან დაკავშირებულ საკითხებში.

„ჩვენ გავაგრძელებთ ძიებას გზების, რათა მოგვარდეს კონფლიქტები სამხრეთ ოსეთსა და აფხაზეთში და განსაკუთრებით, ადამიანებს შორის დამყარდეს კონტაქტი“ – განაცხადა ლილიან მორი პასკიემ.

გარეკანის ფოტო: საზოგადოებრივი მაუწყებლის ვებგვერდი

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია 2018 წლის 1 სექტემბრიდან არის ნეტგაზეთის რეპორტიორი. ის ადრეც მუშაობდა ნეტგაზეთში — 2016 წლის მაისიდან 2017 წლის თებერვლამდე. Email: lukapertaia@gmail.com