არიან ორგანიზაციები, რომლებიც პირდაპირ უტევენ რელიგიას, ოჯახურ ფასეულობებს – კობახიძე

პარლამენტის თავმჯდომარის, ირაკლი კობახიძის თქმით, გარკვეული ორგანიზაციები და პოლიტიკოსები რელიგიასა და ოჯახურ ფასეულობებს ებრძვიან.

ჟურნალისტმა კობახიძეს ლადო კახაძის განცხადების შეფასება სთხოვა, რომელმაც თქვა, რომ  ლიბერალური ფრთა ოჯახს ურტყამს. მთაწმინდის მაჟორიტარი დეპუტატობის კანდიდატს მიაჩნია, რომ ამ მხრივ საქართველოში პრობლემებია.

“ჩვენ გვაქვს ჩვენი ღირებულებები და ამ ღირებულებებს ლადო კახაძე იზიარებს. ჩვენთვის მნიშვნელოვანია ტრადიციები, ევროპული ღირებულელების დამკვიდრება და ზუსტად ამას გულისხმობს კახაძე. ძალიან მნიშვნელოვანი ფასეულობებია ოჯახი, რელიგია, რწმენა, რომელსაც უტევენ, სამწუხაროდ, კონკრეტული სუბიექტები. ამ ფასეულობებს სჭირდება დაცვა როგორც პოლიტიკოსების, ასევე საზოგადოების წარმომადგენლების მხრიდან. არიან კონკრეტული სუბიექტები, მათ შორის ცალკეული ორგანიზაციები, რომლებიც პირდაპირ უტევენ რწმენას, რელიგიას და ოჯახურ ფასეულობებს. არ მინდა აქ ჩაღრმავება… მთავარია, თითოეულმა ჩვენგანმა დავიცვათ ეს ფასეულობები,”-განაცხადა ირაკლი კობახიძემ.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ვარადაშვილი არის ნეტგაზეთის რეპორტიორი 2017 წლის სექტემბრიდან.