შსს–ს ცნობით, დაკავებულია სამეგრელოში ჯგუფური ყაჩაღობის მონაწილე

შსს–ს სამეგრელო–ზემო სვანეთის სამხარეო მთავარი სამმართველოს თანამშრომლებმა ჯგუფურად ჩადენილი ყაჩაღობის ბრალდებით წარსულში ნასამართლევი 35 წლის კობა ე. დააკავეს.

გამოძიების ცნობით, დაკავებული მიმდინარე წლის 6 ოქტომბერს 4 პირთან ერთად ზუგდიდის რაიონის სოფელ კორცხელში მოხუცი ცოლ-ქმრის საცხოვრებელ სახლში შეიჭრა, 150 ლარი და მედლები გაიტაცა და შემთხვევის ადგილიდან მიიმალა.

 

შსს–ს ცნობით, სამართალდამცავებმა კობა ე. 8 ოქტომბერს ზუგდიდში დააკავეს. მისი საცხოვრებელი სახლის ჩხრეკისას კი გატაცებული მედლები ნივთმტკიცების სახით ამოიღეს. პოლიციის ცნობით, დაკავებული აღიარებს დანაშაულს.

 

გამოძიება ჯგუფურად ჩადენილი ყაჩაღობის ფაქტზე, საქართველოს სსკ-ის 179-ე მუხლის მე-2 ნაწილით მიმდინარეობს.

ნეტგაზეთის მასალების სხვა გამოცემებში გადაბეჭდვის წესი
ქეთი მაჭავარიანი