ნეტგაზეთი | სომხეთის პარლამენტის სპიკერმა ილია მეორეს სომხურ ეკლესიებზე ზრუნვა სთხოვა სომხეთის პარლამენტის სპიკერმა ილია მეორეს სომხურ ეკლესიებზე ზრუნვა სთხოვა – Netgazeti
RU | GE  

სომხეთის პარლამენტის სპიკერმა ილია მეორეს სომხურ ეკლესიებზე ზრუნვა სთხოვა

სომხეთის პარლამენტის სპიკერი, გალუსტ სააკიანი, რომელიც სომხეთის ეროვნული ასამბლეის წარმომადგენლებთან ერთად თბილისში სამდღიანი სამუშაო ვიზიტით იმყოფება, 6 ოქტომბერს საქართველოს მართლმადიდებელი ეკლესიის პატრიარქს, ილია მეორეს შეხვდა. 

აღნიშნული შეხვედრის შესახებ სომხური მედია წერს. გამოცემა პანორამას ინფორმაციით, სომხეთის პარლამენტის სპიკერმა ილია მეორეს საქართველოს ტერიტორიაზე არსებული სომხური კულტურული მემკვიდრეობის [ეკლესიები სურბ გევორგის, სურბ ნშანი და სურბ ნორაშენი] დაცვა და მათი აღდგენის საქმეში დაუყოვნებლივი ზომების მიღება სთხოვა.

 

სომხეთის პარლამენტის სპიკერის განმარტებით, “კულტურათაშორისი კავშირები ორ ქვეყანას შორის ყოველთვის ყურადღების ცენტრში ექცეოდა და ეს ბუნებრივია, ვინაიდან ორი მეზობლის კულტურული კავშირები და ისტირიულად განპირობებული ღირებულებათა ერთიანი სისტემა შემდგომი თანამშრომლობის განვითარების ფუნდამენტია.”


როგორც გამოცემა პანორამა წერს, ილია მეორის თქმით, არსებული პრობლემის გადასაჭრელად ორ მოძმე ერი სამართლიან გადაწყვეტილებას მოძებნის. 


თბილისში რამდენიმე უმოქმედო ეკლესიაა, რომლებიც 15 წელია დავის საგანს წარმოადგენენ საქართველოს საპატრიარქოსა და სომხეთის სამოციქულო ეკლესიას შორის. მათ ნაწილს აღდგენა სჭირდება. 


 
მასალა მომზადებულია პროექტ “სამხრეთ კავკასიის ამბების” ფარგლებში ჰაინრიჰ ბიოლის ფონდის მხარდაჭერით. პროექტის ფარგლებში მომზადებული ტექსტები შეიცავს იმ ტერმინოლოგიას, რომელიც აფხაზეთის, სამხრეთ ოსეთის და მთიანი ყარაბაღის თვითაღიარებულ რესპუბლიკებში გამოიყენება. მასალებში გამოთქმული მოსაზრებები შესაძლოა არ ემთხვეოდეს ჰაინრიჰ ბიოლის ფონდის და ნეტგაზეთის პოზიციას.
   
   


 

 

 
ნეტგაზეთის მასალების სხვა გამოცემებში გადაბეჭდვის წესი
ნეტგაზეთი