სოციალური მუშაკები იუწყებიან, რომ მათსა და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს შორის მედიაციის პროცესი დაიწყო.
ინფორმაციას ავრცელებს ფეისბუკ-გვერდი “სოციალური მუშაკები სისტემური ცვლილებებისთვის”, რომელიც პროტესტის საორგანიზაციო ჯგუფს ეკუთვნის.
მათი ცნობით, პროცესში მედიატორის როლს ასრულებს ირაკლი ყანდაშვილი, რომელიც საქალაქოს სასამართლოს მედიატორია. “სოციალურმა მუშაკებმა მას გააცნეს ყველა ის მოთხოვნა, რომლითაც 8 თებერვალს მიმართეს სამინისტროს”, – წერია განცხადებაში.
სოცმუშაკთა გაზრდილი რაოდენობა, გაუმჯობესებული პირობები და განსაზღვრული გრაფიკი – ეს არის სოცმუშაკების ძირითადი მოთხოვნები. დეტალურად ამ საკითხის შესახებ შეგიძლიათ წაიკითხოთ აქ:
“ჩვენ ვიმსახურებთ ღირსეულ სამუშაო პირობებს” – სოცმუშაკები გაფიცვისთვის ემზადებიან