ახალი ამბები

მოსახლეობის 34%-ის აზრით, საქართველოში კორუფცია მეტ-ნაკლებად გავრცელებულია

30 იანვარი, 2019 • 1162
მოსახლეობის 34%-ის აზრით, საქართველოში კორუფცია მეტ-ნაკლებად გავრცელებულია

NDI-ის კვლევის თანახმად, მოსახლეობის უმეტესობას სჯერა, რომ კორუფცია ყველა სამთავრობო სტრუქტურაში (სახელმწიფო ინსტიტუტები, პოლიცია, ადგილობრივი თვითმმართველობა, პროკურატურა, სასამართლო, პარლამენტი და სამინისტროები) მეტ-ნაკლებად გავრცელებულია.

გამოკითხულთა 21%-ის აზრით, საქართველოში კორუფცია საერთოდ არ არის გავრცელებული; 30% მიიჩნევს, რომ ძალიან გავრცელებულია, ხოლო 34%-ს შუალედური პოზიცია აქვს და მიიჩნევს, რომ კორუფცია მეტ-ნაკლებად გავრცელებულია.

მოქალაქეები ყველა უწყებაში კორუფციის მთავარ ფორმად ნეპოტიზმს ასახელებენ. მაგალითად, იმ მოქალაქეების 63%, ვინც მიიჩნევს, რომ სამინისტროებში კორუფცია გავრცელებულია, ამბობს, რომ კორუფცია სწორედ ნეპოტიზმს გულისხმობს; 34%-ის აზროთ, სამინისტროებში გავრცელებულია კორუფცია ქრთამის აღებას ან მოთხოვნის სახით; 28% მიიჩნევს, რომ ბიუჯეტის პირადი მიზნებისთვის გაფლანგვა ხდება. 10% ინტერესთა კონფლიქტზე საუბრობს; 7-7% ასახელებს ოფიციალური ინფორმაციისა და ანგარიშების გაყალბებასა და კონკრეტული პოლიტიკური პარტიის ან საარჩევნო კანდიდატის ინტერესების გატარებას.

საერთაშორისო ორგანიზაცია “საერთაშორისო გამჭვირვალობის” კორუფციის აღქმის ინდექსში საქართველო 180 ქვეყანას შორის 58 ქულით 41-ე ადგილს იკავებს.

მაღალი დონის კორუფია და დემოკრატიის რყევა – საქართველო კორუფციის აღქმის ინდექსში

 

მასალების გადაბეჭდვის წესი