ნეტგაზეთი | გადასახედები იმდენად დაბალია, მეტად დაწევა შეუძლებელია – ფინანსთა მინისტრი გადასახედები იმდენად დაბალია, მეტად დაწევა შეუძლებელია – ფინანსთა მინისტრი – Netgazeti

გადასახედები იმდენად დაბალია, მეტად დაწევა შეუძლებელია – ფინანსთა მინისტრი

ფინანსთა მინისტრი ივანე მაჭავარიანი აცხადებს, რომ საქართველოში გადასახადები “იმდენად დაბალია, რომ მეტად დაწევა უბრალოდ შეუძლებელია”. ამის შესახებ მან დღეს, 29 იანვარს, ტექნოპარკში გამართულ კონფერენციაზე ისაუბრა.

მაჭავარიანის თანახმად, არასწორია “სპეკულაცია”, თითქოს გადასახადების შემცირებით სახელმწიფოს ეკონომიკური ზრდა ექნება.

მისი თქმით, “თუ დღეს არ გვაქვს ძალიან მაღალი ეკონომიკური ზრდა”, ამის მიზეზი გადასახადები არ არის.

“თუ საგადასახადო რეფორმაზე ვსაუბრობთ, ეს არის ადმინისტრირების რეფორმა, გამარტივებისკენ, ეფექტურობისკენ გადადგმული ნაბიჯები და ა.შ.”, – აცხადებს მაჭავარიანი.

მინისტრის განმარტებით, “რეალურად, საგადასახადო განაკვეთების შემცირებისკენ ნაბიჯების გადადგმის გზა პრაქტიკულად უკვე ამოწურულია”.

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com