საქართველოს ფინანსთა სამინისტროს საგამოძიებო სამსახურის ინფორმაციით, გია სამხარაძემ და ვერა სამხარაძემ კუსტარულად დაამზადეს 324 ცალი ჭავლური კარტრიჯი და მათი გაყიდვის გაადვილების მიზნით კარტრიჯები HP-ს სასაქონლო ნიშნით უკანონოდ ნიშანდებულ ყუთებში ჩადეს, ხოლო ყუთებს სასაქონლო ნიშანთან ერთად დაატანეს „HP“-ს ჰოლოგრამა.
საგამოძიებო სამსახურის ცნობით, ვერა და გია მსახარაძეები შპს „ჯორჯიაs“ თანამშრომლები არიან. შპს-ს ფაქტობრივი მფლობელი გია სამხარაძეა, ხოლო ვერა სამხარაძე – მისი დამხმარე. საგამოძიებო სამსახურმა გია სამხარაძე დააკავა, ხოლო ვერა სამხარაძე სისხლის სამართლის პასუხისგებაში მისცა.
გამოძიება საქართველოს სისხლის სამართლის კოდექსის 196-ე მუხლის პირველი ნაწილით მიმდინარეობს, რაც ითვალისწინებს თავისუფლების აღკვეთას 2 წლამდე ვადით.