საპარლამენტო უმრავლესობის დეპუტატი ეკა ბესელია აცხადებს, რომ იზიარებს პრეზიდენტის თხოვნას ზვიად გამსახურდიას საქმეზე გამოძიების გაგრძელების შესახებ.
დეპუტატის თქმით, მისი აზრით, შესაძლებელია ხანდაზმულობის ვადის გადახედვა და ამ საკანონმდებლო საკითხზე მუშაობა:
“ვიზიარებ მეც ამ განწყობას და ვფიქრობ, მოვნახოთ სამართლებრივი გზა, რათა გაგრძელდეს ზვიად გამსახურდიას საქმეზე გამოძიება. ვესაუბრე გუშინ ცოტნეს , მას აქვს მოსაზრება, მეც ვფიქრობ, გადავხედოთ ხანდაზმულობის ვადას და შესაძლებელია ამ საკანონმდებლო საკითხზე მუშაობა”, – ამბობს ბესელია.
ცოტნე და კონსტანტინე გამსახურდიები პროკურატურასთან საქმის გაგრძელების მოთხოვნით 14 დეკემბრიდან შიმშილობენ. ცოტნე გამსახურდიას თქმით, ზვიად გამსახურდიას გარდაცვალების საქმეზე 2018 წლის 31 დეკემბერს გადის 25-წლიანი ხანდაზმულობის ვადა და რადგან ამ პერიოდის განმავლობაში პროკურატურას, ფაქტობრივად, ბრალდებული არ ჰყავს, საქმე დაიხურება.
