ნეტგაზეთი | ქერჩის კოლეჯში აფეთქებაში ეჭვმიტანილმა სტუდენტმა თავი ადგილზე მოიკლა – RIA ქერჩის კოლეჯში აფეთქებაში ეჭვმიტანილმა სტუდენტმა თავი ადგილზე მოიკლა – RIA – Netgazeti

ქერჩის კოლეჯში აფეთქებაში ეჭვმიტანილმა სტუდენტმა თავი ადგილზე მოიკლა – RIA

რუსული სამთავრობო მედიის ინფორმაციით, ქერჩის აფეთქებაში ეჭვმიტანილი  22 წლის სტუდენტია. RIA-ის ინფორმაციით მან თავი ადგილზე მოიკლა.

როგორც გამოცემა სამთავრობო უწყებებზე დაყრდნობით წერს, ეჭვმიტანილმა თავი ცეცხლსასროლი იარაღით, სასწავლებლის შენობის მეორე სართულზე მოიკლა. ის ამავე კოლეჯის მე-4 კურსის სტუდენტი იყო.

რუსეთის მიერ ანექსირებული ყირიმის ქალაქ ქერჩში, ტექნიკურ კოლეჯში აფეთქება  დღეს, 17 ოქტომბერს მოხდა. როგორც BBC იუწყება, აფეთქების შედეგად 18 ადამიანი გარდაიცვალა, 50-მდე კი დაშავდა. ყირიმში 3-დღიანი გლოვა გამოცხადდა.

გამოძიება ტერაქტის მუხლით მიმდინარეობს. ამავე გამოცემის მიხედვით, დაღუპულთა და დაშავებულთა უმეტესობა ახალგაზრდები არიან

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან