ნიკოლოზ ბასილაშვილმა შანხაის მასტერსი გამარჯვებით დაიწყო – ქართველმა ჩოგბურთელმა დენის შაპოვალოვი 2 სეტში 6:2, 6:2 დაამარცხა.
შემდეგ რაუნდში ნიკას მეტოქე ალექსანდრ ზვერევი იქნება.
შანხაი მასტერსი ერთადერთი 1000-ქულიანი ATP ტურნირია, რომელიც ევროპასა ან ჩრდილოეთ ამერიკაში არ იმართება. ტურნირი 6 ოქტომბერს დაიწყო და 14 ოქტომბერს დასრულდება.
- ჩინეთის ღია პირველობაზე ჩემპიონობის შემდეგ, ნიკოლოზ ბასილაშვილი ATP რეიტინგში 11 პოზიციით დაწინაურდა და ახლა მსოფლიოს 23-ე ჩოგანია. დამოუკიდებელ საქართველოს ისტორიაში მსგავსი შედეგი არცერთ ქართველ ჩოგბურთელს არ ჰქონია.
- ნიკოლოზ ბასილაშვილი წარმატებით ასპარეზობდა ამერიკის ღია პირველობაზე, სადაც რაფაელ ნადალთან დამარცხდა, ხოლო რამდენიმე თვით ადრე ქართველმა ჩოგბურთელმა ჰამბურგში გამართული ATP ტურნირი მოიგო.