მადონა ბასილაძის ინფორმაციით, მსჯავრდებულმა საკანში არსებულ საპირფარეშოში ჩამოიხრჩო თავი. მისივე თქმით, საკანში მყოფი სხვა პატიმრები ამბობენ, რომ საპირფარეშოდან ხმაური არ გაუგონიათ:
„გეგუთის დაწესებულებაში მსჯავრდებულის გარდაცვალების ფაქტზე მიმდინაორებს გამოძიება. სამედიცინო დოკუმენტების მიხედვით, რაც დაწესებულებაში არის და რომელიც ჩვენ შევამოწმეთ, გარდაცვლილს აღენიშნებოდა სარტყლისებრი ნაჭდევი კისერზე. გამოძიება დაიწყო 115-ე მუხლით . მოწოდებული ინფორმაციის თანახმად, პატიმარმა თავი ჩამოიხრჩო საკანში არსებულ საპირფარეშოში. საკანში სულ 6 მსჯავრდებული იმყოფება და მათი თქმით, საპირფარეშოდან ხმაური არ გაოგონიათ. ველოდებით ექსპერტიზის შედეგებს.“
“სახალხო დამცველი ყურადღებით დააკვირდება გამოძიების მიმდინარეობის პროცესს, დასრულებისთანავე გაეცნობა სასამართლო ექსპერტიზის დასკვნას და შედეგების შესაბამისად მოახდენს სათანადო რეაგირებას”, – ნათქვამია სახალხო დამცველის განცხადებაში.
გარდაცვლილი მსჯავრდებული 26 წლის იყო და სასჯელს იარაღის უკანონო შეძენა-ტარებისთვის და ქურდობისთვის იხდიდა.