ოზურგეთში, სოფელ ნატანებში არასრულწლოვანი გოგოს მიმართ გარყვნილი ქმედებისა და თვითმკვლელობამდე მიყვანის ბრალდებით დაკავებულ 22 წლის კაცს 2-თვიანი წინასწარი პატიმრობა შეეფარდა. სასამართლო პროცესი შაბათს გაიმართა და გვიანობამდე გაგრძელდა.
ბრალდების მიხედვით, დაკავებული 22 წლის ახალგაზრდა კაცი ინტერნეტით გაცნობილ გოგოს აშანტაჟებდა ინტიმური ხასიათის ფოტო-ვიდეომასალის გასაჯაროებით, რის შედეგადაც სოფელ ნატანების მკვიდრმა, 16 წლის არასრულწლოვანმა სიცოცხლე თვითმკვლელობით დაასრულა.
