ყოფილი პროკურორის განმარტებით, საუბარია იმაზე, თუ რა ვითარებაში დაიღუპა სანდრო გირგვლიანი: მოკლეს, თუ გაქცევის დროს გარდაიცვალა:
“ძალიან მნიშვნელოვნად არის გამოძიებული გირგვლიანის საქმე. სუფრის სცენა აბსოლუტურად გამოძიებულია. გამოძიება მიმდინარეობდა ისეთი ინტენსივობით, როგორც ეს ჩვენს რესურსებს შეესაბამებოდა. პროფესიონალი გამომძიებელი ამ საკითხს სწავლობდა: აბსოლუტურად არის გამოძიებული სუფრის სცენა, გამოძიებულია ის, თუ რა ვითარებას ჰქონდა ადგილი ციხეში, იქ ერთი ელემენტი იყო დარჩენილი, რომელიც ყოველ შემთხვევაში ჩემს დროს გამოძიებას საჭიროებდა: რა იყო გარდაცვალების კონკრეტული მიზეზი, რადგან ვერ ხერხდებოდა ზუსტად დადგენილიყო, ის მოკლეს, თუ გაქცევის დროს გარდაიცვალა. ჩვენ ვსაუბრობთ უტყუარად. როცა გამოძიება განაცხადებს, რომ გამოკვლეულია, ყოველგვარი კითხვის ნიშნები უნდა იყოს მოხსნილი”, – განაცხადა კბილაშვილმა.
