საქართველოს მთავარი პროკურატურის ინფორმაციით, მოსამართლემ დავით კეზერაშვილს აუკრძალა საფრანგეთის ტერიტორიის დატოვება და დააკისრა ვალდებულება ექს-ან-პროვანსში მოსამართლის მიერ მითითებულ კონკრეტულ მისამართზე იცხოვროს.
გადაწყვეტილების თანახმად, დ. კეზერაშვილს სასამართლომ უფლება მისცა დატოვოს საცხოვრებელი ადგილი ორშაბათიდან პარასკევის ჩათვლით, მხოლოდ 10-დან 18 საათამდე, ხოლო შაბათს და კვირას, 9-დან 21 საათამდე.
“ექ-ან-პროვანსის სააპელაციო სასამართლოს გადაწყვეტილების თანახმად, ელექტრონული სამაჯურის ტარების ვადად განისაზღვრა დღეიდან 6 თვე და არა მხოლოდ – 27 თებერვლამდე პერიოდი, როდესაც ექსტრადიციის საკითხზე მოსამართლემ მსჯელობა უნდა განაახლოს. გარდა ამისა, სასამართლოს გადაწყვეტილებით, დავით კეზერაშვილმა სასამართლოს უნდა ჩააბაროს მისი ორი პასპორტი”,- ნათქვამია საქართველოს პროკურატურის განცხადებაში.
საქართველოს მთავარი პროკურატურა აცხადებს, რომ კეზერაშვილის ექსტრადიციის საკითხზე მუშაობას ფრანგ კოლეგებთან სამართლებრივი თანამშრომლობის ფარგლებში აგრძელებს.
კეზერაშვილის გირაოთი გათავისუფლების შესახებ მისმა ადვიკატმა შოთა მინდელმაც დაადასტურა.
