გამოძიებამ დაადგინა, რომ დანაშაულებრივი ჯგუფის წევრები გარკვეული თანხის სანაცვლოდ სხვადასხვა ცეცხლსასროლი იარაღის მართლსაწინააღმდეგო რეალიზაციას პერიოდულად ეწეოდნენ.
ოფიციალური ინფორმაციით, სამართალდამცველებმა დაკავებულების სახლებიდან, ჩხრეკისას სარეალიზაციოდ გამზადებული 5 პისტოლეტი, და 3 ვაზნა ამოიღეს.
“ექსპერტიზის დასკვნით ამოღებულია 4 ერთეული გლოკის სისტემის პისტოლეტი, 1 კუსტარული წესით დამზადებული ავტომატური პისტოლეტ-ტყვიამფრქვევი და 3 საბრძოლო ვაზნა,”- ნათქვამია შსს-ს განცხადებაში.
გამოძიება ცეცხლსასროლი იარაღის მართლსაწინააღმდეგო შეძენა-შენახვის, ტარების და გასაღების ფაქტებზე მიმდინარეობს (საქართველოს სსკ-ს 236-ე მუხლის 1-ლი და მე-3 ნაწილებით, რაც 3-დან 10-წლამდე ვადით თავისუფლების აღკვეთას ითვალისწინებს).