იაპონიის გულშემატკივრებმა მსოფლიო ჩემპიონატის მატჩის შემდეგ სტადიონი დაასუფთავეს

იაპონიის ნაკრების გულშემატკივრებმა მსოფლიო ჩემპიონატის მატჩის შემდეგ სტადიონი დაასუფთავეს. ინფორმაციას ამის შესახებ BBC ავრცელებს.

იაპონიის საფეხბურთო ნაკრები მსოფლიო ცემპიონატის ჯგუფურ ეტაპზე კოლუმბიის ნაკრებს შეხვდა და ანგარიშით, 2-1 დაამარცხა. მატჩის შემდეგ გულშემატკივრებმა სტადიონის ის სექტორები დაასუფთავეს, რომელიც იაპონიის გულშემატკივრებისთვის იყო განკუთვნილი. მათ მატჩზე ნაგვის პარკები ჰქონდათ მიტანილი, სადაც სტადიონზე არსებული ნარჩენები მოათავსეს და უახლოეს ურნებთან დააწყვეს.

 

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.