პროკურატურის მიერ გავრცელებული ინფორმაციის თანახმად, უწყებაში მელაძის დაბარება მის ვიცემერის თანამდებობაზე ყოფნის პერიოდს უკავშირდება.
“2013 წლის 23 დეკემბერს, 13:00 საათზე, საგამოძიებო მოქმედებებში მონაწილეობისმიღების მიზნით, საქართველოს პარლამენტის წევრი გიორგი მელაძე საქართველოს მთავარ პროკურატურაში მოწმის სახით იქნა დაბარებული. საქმე ეხება გ. მელაძის ქ. თბილისის ვიცემერის თანამდებობაზე მუშაობის პერიოდში დედაქალაქის რეაბილიტაცია-განვითარების მიზნით აიპ „თბილისის განვითარების ფონდისთვის“ გამოყოფილი დიდი ოდენობით სახელმწიფო სახსრების მართლსაწინააღმდეგო გაფლანგვის ფაქტებს”- ნათქვამია უწყების მიერ გავრცელებულ განცხადებაში.
