როგორც გოგუაძემ პრაიმტაიმის პრესკლუბში გამართულ პრესკონფერენციაზე განაცხადა, ზემოხსენებული ანსამბლი, რომელშიც ტყემალაძესთან ერთად მისი მოადგილეები და სხვა თანამშრომლები შედიან, სამუშაო საათების განმავლობაში რეპეტიციობს და მღერის. გოგუაძის თქმით, მას ანსამბლთან პრეტენზია არ აქვს, თუმცა სამუშაო საათებში რეპეტიცია მიუღებელია:
“მენეჯმენტის მაღალი [რგოლების] წარმომადგენლებისაგან დაკომპლექტებულია ანსამბლი. კომუნისტების დროს აქ ყოფილა ანსამბლები და ასე შემდეგ. ახლა ასეთი ტიპის ანსამბლი ამ ტელევიზიას არ სჭირდებოდა, მაგრამ ყველაზე უცნაური აქ ის არის, რომ მაღალი მენეჯმენტის წარმომადგენლები სამუშაო საათების განმავლობაში, როდესაც თავისი სერიოზული საქმით უნდა იყვნენ დაკავებული, დაკავებული იყვნენ სიმღერით”, – განაცხადა გოგუაძემ და დასძინა, რომ ამ ტელევიზიაში ახლა ისეთი სიტუაცია არ არის, რომ “ვინმეს სამღერად ჰქონდეს საქმე”.
