ახალი ამბები

ცხოველთა რიტუალური მკვლელობის აკრძალვის მოთხოვნით აქცია გაიმართება

25 მაისი, 2018 • 6933
ცხოველთა რიტუალური მკვლელობის აკრძალვის მოთხოვნით აქცია გაიმართება

28 მაისს, 19 საათზე, პარლამენტის წინ ცხოველთა რიტუალური მკვლელობის აკრძალვის მოთხოვნით აქცია “არა მსხვერპლშეწირვას” გაიმართება.

როგორც აქციის ორგანიზატორები აცხადებენ, პარლამენტში შეტანილია საკანონმდებლო ინიციატივა მსხვერპლშეწირვის აკრძალვის მოთხოვნით. აქციის მონაწილეები მოითხოვენ, რომ საკანონმდებლო ორგანომ განიხილოს აღნიშნული ინიციატივა და ცხოველთა მსხვერპლშეწირვის ამკრძალავი კანონი მიიღოს.

აღნიშნული აქცია “ლომისობას” უკავშირდება, რა დროსაც, აქციის მონაწილეების ცნობით, ცხვრებს რიტუალურად კლავენ.

“ჩვენ მოვითხოვთ ხელისუფლებისაგან, საკანონმდებლო დონეზე აკრძალოს ცხოველთა მსხვერპლშეწირვა და საპატრიარქოს მოვუწოდებთ გამოიყენოს საკუთარი უფლებამოსილება ამ სისასტიკის შესაჩერებლად,” – ნათქვამია აქციის აღწერაში.

 

მასალების გადაბეჭდვის წესი