ამის შესახებ დუშან უჰრინმა დღეს “დინამო არენაზე” მატჩის დასრულების შემდეგ გამართულ პრესკონფერენციაზე განაცხადა.
ჩეხი სპეციალისტი სამშობლოში ბრუნდება, სადაც “პლზენს” ჩაუდგება სათავეში. ამ საკითხზე თბილისის “დინამოს” ყოფილი მწვრთნელი ვრცლად 6 დეკემბერს, 13.00 საათზე, სპეციალურად გამართულ პრესკონფერენციაზე ისაუბრებს.
დუშან უჰრინი თბილისის “დინამოს” მთავარ მწვრთნელად 2012 წლის ივნისში დაინიშნა. თბილისის დინამომ 2012-2013 წლების სეზონში საქართველოს ჩემპიონობა, საქართველოს თასი და სუპერთასი მოიგო.
5 დეკემბერს თბილისის “დინამომ” ლანჩხუთის “გურიას” უმასპინძლა და ანგარიშით 3:1 დაამარცხა.