‘უკრაინის მოვლენები მე უფრო არა რევოლუციას, არამედ დარბევას მაგონებს”, – განაცხადა პუტინმა და დასძინა, რომ, მისი აზრით, ზემოხსენებულ მოვლენებს უკრაინა–ევროკავშირის ხელშეკრულებასთან საერთო არაფერი აქვს და 2015 წლის საპრეზიდენტო არჩევნებს უკავშირდება:
“ეს არის შიდა პოლიტიკური პროცესი, ოპოზიციის მცდელობა შეარყიოს მოქმედი ლეგიტიმური ხელისუფლება ქვეყანაში. ის, რაც ახლა ხდება, მიუთითებს იმაზე, რომ წინასწარ კარგად მომზადებული აქციებია, რომელიც, ჩემი აზრით, 2015 წლის საარჩევნო კამპანიისთვის იგეგმებოდა”, – განაცხადა პუტინმა.
რუსეთის პირველი პირის თქმით, რა გადაწყვეტილებაც არ უნდა მიიღოს უკრაინელმა ხალხმა, რუსეთი მას პატივისცემით მოექცევა.
უკრაინაში საპროტესტო აქციები მიმდინარეობს. მომიტინგეები ევროკავშირთან ასოცირების ხელშეკრულების ხელმოწერას და ვადამდელ არჩევნებს ითხოვენ.
