ევროპის დღე რიყის პარკის ევროსოფელში[ფოტო]

"ქართული ოცნება" კვლავ აპირებს რუსული კანონის მიღებას. ეს კანონპროექტი 2023 წლის მარტში მასობრივი პროტესტის შემდეგ "ოცნებამ" უკან გაიწვია და პირობა დადო, რომ მას აღარასოდეს დაუბრუნდებოდა.
ანალოგიურმა კანონმა რუსეთში გააქრო ყველა დემოკრატიული ინსტიტუტი და გაამყარა პუტინის რეჟიმი.

რიყის პარკის “ევროსოფელში” ევროპის დღეს აღნიშნავენ. ცოტა ხნის წინ დაიწყო კონცერტი, რომელშიც მომღერალი ნინო ქათამაძე და გერმანიის “ვოისში” გამარჯვებული ნათია თოდუაც მონაწილეობენ.

მანამდე, რიყის პარკი და ევროპის მოედანი ევროპის დღის აღსანიშნავ სხვა ღონისძიებებს დაეთმო. ადგილზე მოწყობილ თემატურ კარვებში სტუმრებს ევროკავშირის წევრი ქვეყნების ტრადიციული სამზარეულოს დაგემოვნება, ასევე თითოეული ამ სახელმწიფოს შესახებ ინფორმაციის მიღება შეეძლო. რიყის პარკში მოწყობილი იყო კალათბურთის მოედანიც, ოდნავ მოშორებით კი, ამფითეატრში ქართული და ევროპული ზღაპრების თეატრალური წარმოდგენები უჩვენეს.

5 მაისი ევროპის დღედ 1964 წელს გამოცხადდა, ვინაიდან სწორედ ამ დღეს, 1949 წლის 5 მაისს დაარსდა ევროპის საბჭო.

“ნეტგაზეთი” გთავაზობთ ფოტორეპორტაჟს “ევროსოფლიდან”.