“გირჩის” ინფორმაციით, პარტიის ლიდერი ზურაბ ჯაფარიძე პოლიციის განყოფილებაშია. შსს-ში “ნეტგაზეთს” უთხრეს, რომ ზურაბ ჯაფარიძის წინააღმდეგ უწყებამ ადმინისტრაციული საქმის წარმოება დაიწყო. პარტიის ლიდერს შსს-ს სამართალდარღვევათა კოდექსის 166-ე და 173-ე მუხლების დარღვევას ედავება, რაც წვრილმან ხულიგნობას და პოლიციის მიმართ წინააღმდეგობის გაწევას გულისხმობს.
“ამჟამად ზურაბ ჯაფარიძე პოლიციის განყოფილებაშია და ელოდება მათ ნებართვას, რომ საკუთარ სასამართლო სხდომაზე წავიდეს,”-წერია პარტიის განცხადებაში.
