დღეს, 20 ნოემბერს საქართველოს პრეზიდენტმა გიორგი მარგველაშვილმა ხელი მოაწერა განკარგულებას ირაკლი ღარიბაშვილის საქართველოს პრემიერ-მინისტრად დანიშვნის შესახებ.
ამასთან, მარგველაშვილის პრესსამსახურის ცნობით, საქართველოს პრეზიდენტმა ახალ პრემიერ-მინისტრს და მთავრობას ქვეყნის პარლამენტის მიერ გამოცხადებული ნდობა მიულოცა:
„ვულოცავ პრემიერ-მინისტრ ირაკლი ღარიბაშვილს და საქართველოს ახალი მთავრობის თითოეულ წევრს იმ დიდ ნდობას, რაც მათ ქვეყნის პარლამენტმა გამოუცხადა. ვუსურვებ ახალ აღმასრულებელ გუნდს წარმატებებს ქვეყნის წინსვლისა და თითოეული მოქალაქის კეთილდღეობისთვის საქმიანობაში,“ – ნათქვამია პრეზიდენტის მილოცვაში.
