ტექნიკური დაზიანების გამო თბილისის ქუჩების ნაწილს, დღეს, 11 ნოემბერს, დილიდან წყალი არ მიეწოდება.
როგორც „ჯორჯიან უოთერ ენდ ფაუერის“ საზოგადოებასთან ურთიერთობის სამსახურის უფროსი თამუნა ნოსელიძე ამბობს, წერეთლის, თამარ მეფის გამზირს, აღმაშენებლის ქუჩის ბოლო ნაწილს, წყალტუბოს, თევდორე მღვდლის, დგებუაძის, სამტრედიის, ჩუბინაშვილის, პასტერის და სხვა მიმდებარე ქუჩებს წყალმომარაგება დღეს, 20:00 საათზე აღუდგება.
