როგორც “თბილისის მიკროავტობუსის” საზოგადოებასთან ურთიერთობის სამსახურში აცხადებენ, ვიდეო-სათვალთვალო კამერების დამონტაჟების პროცესი ეტაპობრივად მიმდინარეობს.
“გარკვეულ ხაზებზე გატარებული კორექტირების შემდეგ კამერები გადაგვაქვს სხვა ხაზებზე და ეს პროცესი ატარებს პერმანენტულ ხასიათს,”- ამბობს ლიკა ორჯონიკიძე, შპს “თბილისის მიკროავტობუსის” საზოგადოებასთან ურთიერთობის სამსახურის მენეჯერი.
მისი განმარტებით, მიკროავტობუსში ვიდეოკამერების დამონტაჟების მიზანია მგზავრთა რეალური ნაკადის დადგენა და საგზურის ადეკვატური ღირებულების დაწესება.
ვიდეო-სათვალთავლო კამერა მიკროავტობუსში, მძღოლის ადგილსა და კარს შორის არის დამონტაჟებული.
