„მათ შეეძლებათ ეს თანხა გამოიყენონ როგორც შეშის შესაძენად, ისე ელექტროენერგიით გასათბობად. ამ დახმარებას გამყოფ ხაზთან მდებარე სოფლებში მცხოვრები 9500 ოჯახი საჭიროებს,” – განაცხადა საქართველოს რეგიონული განვითარებისა და ინფრასტრუქტურის მინისტრმა, დავით ნარმანიამ
„აღსანიშნავია, ასევე, წყლის სატუმბი სადგურების რეაბილიტაციის გეგმის დამტკიცება. ეს მოსახლეობის ერთ-ერთი მოთხოვნა იყო და სოფლის მეურნეობის სამინისტრო უახლოეს თვეებში მიიღებს შესაბამისს ზომებს, რათა მომდევნო წლის ზაფხულის სეზონის დადგომამდე სარწყავი არხების სისტემა ამ სოფლებში უფრო მოწესრიგებული იყოს“, – აღნიშნა მინისტრმა.
კომისია შეხვდა კასპის, ქარელის, გორის, ხაშურის, ზუგდიდის, წალენჯიხის, საჩხერის მუნიციპალიტეტების სოფლების მაცხოვრებლებს. კომისიის წევრების განცხადებით, პრობლემები ფაქტობრივად იდენტურია – გათბობა, გაზიფიცირება, ინდივიდუალური გამრიცხველიანება, წყალმომარაგება.
მათივე ინფორმაციით, გამყოფ ხაზთან მიმდებარე სოფლებში არის სახლები, რომელთა გასარემონტებლად სახელმწიფო ბიუჯეტიდან თანხები გამოიყო, თუმცა, რეალურად, ისინი არ გარემონტდა.
