ნეტგაზეთი | წალენჯიხაში წიწვოვანი სახეობის ფიცარი სატვირთოს შენიღბულად გადაჰქონდა – სამინისტრო წალენჯიხაში წიწვოვანი სახეობის ფიცარი სატვირთოს შენიღბულად გადაჰქონდა – სამინისტრო – Netgazeti
RU | GE  

წალენჯიხაში წიწვოვანი სახეობის ფიცარი სატვირთოს შენიღბულად გადაჰქონდა – სამინისტრო

გარემოს დაცვისა და სოფლის მეურნეობის სამინისტროს განცხადებით, გარემოსდაცვითი ზედამხედველობის დეპარტამენტის თანამშრომლებმა გამოავლინეს პირველადი გადამუშავების პროდუქტის, ფიცრის უკანონო და შენიღბულად ტრანსპორტირების ფაქტი.

დეპარტამენტის ცნობით, წალენჯიხის მუნიციპალიტეტში, დაბა ჯვარში გაჩერებული სატვირთო ავტომანქანის ძარის ქვედა ნაწილში არსებულ ე.წ. სამალავში 1,4 მ3 წიწვოვანი სახეობის ფიცარი იყო განთავსებული. მათივე განცხადებით, სამეგრელო-ზემო სვანეთის რეგიონული სამმართველოს თანამშრომლებს მძღოლმა ვერ წარუდგინა დოკუმენტაცია.

გარემოსდაცვითი ზედამხედველობის დეპარტამენტის ინფორმაციით, ავტომანქანა და პირველადი გადამუშავების პროდუქტი – ფიცარი დაილუქა, ხოლო მასალები, შემდგომი რეაგირების მიზნით, შესაბამის სამართალდამცავ უწყებაში გაიგზავნება.

სატვირთო, რომელსაც წალენჯიხაში წიწვოვანი სახეობის ფიცარი შენიღბულად გადაჰქონდა – სამინისტრო

ნეტგაზეთის მასალების სხვა გამოცემებში გადაბეჭდვის წესი
ავტორი
გიორგი დიასამიძე არის ნეტგაზეთის რეპორტიორი 2014 წლიდან. აშუქებს საზოგადოებრივ-პოლიტიკურ თემებს, სპორტს და სხვა მიმდინარე მოვლენებს. ასევე, მუშაობს განათლების, ადამიანის უფლებებისა და სოციალურ საკითხებზე.