ადვოკატები მათ გათავისუფლებას მოითხოვდნენ გირაოს სანაცვლოდ. დაცვის მხარე მოსამართლის გადაწყვეტილებას 48 საათის ვადაში გაასაჩივრებს თბილისის სააპელაციო სასამართლოში.
საქმეზე წინასასამართლო სხდომა 11 დეკემბერს, 12:00 საათისთვის ჩაინიშნა.
შინაგან საქმეთა სამინისტროს კონსტიტუციური უსაფრთხოების დეპარტამენტის აფხაზეთის ავტონომიური რესპუბლიკის მთავარი სამმართველოს ყოფილი უფროსი რომან შამათავა და ამავე სამინისტროს სამეგრელო-ზემო სვანეთის სპეციალურ ღონისძიებათა ცენტრის განსაკუთრებულ დავალებათა დეპარტამენტის სამმართველოს ყოფილი თანამშრომელი მალხაზ მურღულია 21 ოქტომბერს დააკავეს ხურჩაში 2008 წელს ტერაქტის განხორციელების ბრალდებით.
გამოძიება მიმდინარეობს საქართველოს სსკ-ის 323-ე მუხლის მე-2 და მე-3 ნაწილებით გათვალისწინებული დანაშაულის ნიშნებით, რაც სასჯელის სახით ითვალისწინებს 15-დან 20 წლამდე ან უვადო თავისუფლების აღკვეთას.