ახალი ამბებიტექნოლოგიები

Huawei-ს ახალი სმარტფონი, რომელსაც 40-მეგაპიქსელიანი კამერა აქვს

28 მარტი, 2018 • 4424
Huawei-ს ახალი სმარტფონი, რომელსაც 40-მეგაპიქსელიანი კამერა აქვს

Huawei-ს ახალი სმარტფონები, რომლებიც კომპანიამ რამდენიმე დღის წინ დააანონსა, ჯერჯერობით არ იყიდება, თუმცა, წინასწარი შეფასებებით, ბაზარზე არსებულ სხვა სმარტფონებს სერიოზულ კონკურენციას გაუწევენ. ამის მთავარი მიზეზი კი, როგორც კომპანია აცხადებს,  ის 4 კამერაა, რომელთა შორის 3 ( Huawei P20 Pro-ს შემთხვევაში) სმარტფონის უკანა კორპუსზეა მიმაგრებული. კამერები Huawei P20-სა და Huawei P20PRO-ს სიბნელეში მაღალი რეზოლუციის სურათების გადაღების საშუალებას აძლევს.

როგორც BBC  Huawei-ს ახალ სმარტფონზე წერს, მისი ოპერატიული სისტემა კამერას სტაბილიზაციის საშუალებას აძლევს, რაც ნიშნავს იმას, რომ იმ გარემოშიც კი, სადაც შუქი ნაკლებად აღწევს, სურათების ე.წ. Blur-ის (როდესაც ობიექტი ფოკუსში არ არის და ბუნდოვანად ჩანს) გარეშე გადაღებაა შესაძლებელი. ამისთვის მას დამატებით შტატივი და განათება არ სჭირდება.  Huawei-ს სმარტფონის კამერის თანაშემქნელი, ოპტიკისა და კამერების გერმანული მწარმოებელი Leica-ია. 

“Huawei არ არის ისეთი ბრენდი, როგორიც Apple ან Samsung-ია, ამიტომ მას პროდუქტის ხარისხის თვალსაზრისით დამატებითი ნაბიჯების გადადგმა უწევს,” – წერია BBC-ის მიმოხილვაში.

Huawei P20 Pro-ს  ფასი დაალოებით 1.115 აშშ დოლარი ( 2 698 ლარი) იქნება, რაც Galaxy S9+- სა( დაახლოებით 2 857 ლარი) და iPhone X-ზე ( დაახლოებით 3 460 ლარი) იაფია.

რაც შეეხება უშუალოდ სმარტფონის კამერას, უკანა კამერის რეზოლუცია 40 მეგაპიქსელია, ხოლო წინა კამერის –  24 მეგაპიქსელი.

გარდა ამისა, Huawei P20 Pro ე.წ. object-recognition ( ობიექტის ამოცნობის) გაუმჯობესებული სისტემა აქვს, რაც ნიშნავს იმას, რომ სურათის გადაღებისას სმარტფონს გადასაღებ ობიექტზე მორგებული პარამეტრების დაყენება ავტომატურად  შეუძლია.

თუმცა, სამი კამერა მხოლოდ P20Pro-ს აქვს, განსხვავება ახალი სმარტფონების ორ მოდელს შორის აქ არ მთავრდება. როგორც გამოცემა Wired წერს, P20-თან შედარებით, P20Pro-ს ისეთი დამატებითი ფუნქციები და შესაძლებლობები, როგორიცაა გაზრდილი მეხსიერება, ზომა ( P20-ის შემთხვევაში 14 სანტიმეტრი, ხოლო P20Pro-ს შემთხვევაში 16 სანტიმეტრი) და წყალგაუმტარობა.

რას შეეხება მსგავს მახასიათებლებს, ახალი სმარტფონის ორივე მოდელს უფრო დიდი გამძლეობის ელემენტი აქვთ, ვიდრე, მაგალითისთვის, Galaxy S9-სა და S9-ს, რომლის ელემენტიც Huawei P20-ზე 13%-ით ნაკლებს ძლებს. Huawei-ს ორივე ახალ სმარტფონს  5-x Hybrid Zoom აქვს სუპერ შენელებული ვიდეოების გადასაღებად.

მიუხედავად იმისა, რომ ელემენტის გამძლეობა სმარტფონის ერთ-ერთი პლუსია, სწორედ ელემენტისთვის ადგილის დათმობის გამო გამო მას ყურსასმენების შესაერთებელზე უარის თქმა მოუხდა.

იმისთვის, რომ ახალ სმარტფონში მომხმარებელმა კაბელიანი ყურსასმენი შეაერთოს, მას სპეციალური ადაპტერის ყიდვა მოუწევს.

 

 

 

მასალების გადაბეჭდვის წესი