“ჩვენთვის, საზღვარგარეთ მცხოვრები ქართველებისთვის განსაკუთრებით მტკივნეულია, როდესაც რუსეთი ცდილობს ჩვენი ქვეყნის ტერიტორიების მითვისებას. დღევანდელი აქციით  ვუერთდებით  იმ ათასობით ადამიანს, რომლებიც ევროპისა თუ საქართველოს მასშტაბით, დღეს ჩვენი აქციის პარალელურად რუსეთის იმპერიალისტურ ქმედებებს აპროტესტებენ. ასევე თანადგომას ვუცხადებთ იმ ადამიანებს, რომლებიც სოფელ დვანსა და დიცში ცხოვრობენ და თავიანთ სამშობლოშივე დევნილები გახდნენ. საზღვარგარეთ გამართული თითოეული აქცია მიმართულია იმისკენ, რომ  ქვეყნებს, რომლებშიც ჩვენ ვცხოვრობთ, ხმა მივაწვდინოთ იმ არაკანონიერი ქმედებების შესახებ, რომელსაც ჩვენი მეზობელი ქვეყნის მთავრობა ახორციელებს. დროა, რუსეთმა შეწყვიტოს თავისი ექსპანსიური პოლიტიკა. ამავე დროს, მოვუწოდებ საქართველოს მთავრობას, ღიად დააფიქსირონ თავიანთი პოზიცია რუსეთის ქმედების მიმართ და გადადგან მკვეთრი ნაბიჯები ამ პრობლემის აღმოსაფხვრელად”,- აცხადებს აქციის ერთ-ერთი მონაწილე სალომე სალაძე.