იუსტიციის უმაღლესი საბჭოს წევრის ასარჩევად დღეს პარლამენტმა კენჭი ცისმარ ონიანის, ზურაბ სანიკიძის და თინათინ ტყეშელაშვილის კანდიდატურებს უყარა.

კენჭისყრის პირველ ტურში ხმათა საკმარისი რაოდენობა, სიითი შემადგენლობის 2/3 ვერ ცერთმა კანდიდატმა მიიღო. წარმოდგენილმა კანდიდატებმა ხმათა საკმარისი რაოდენობა ვერც მეორე კენჭისყრისას დააგროვეს, შესაბამისად, იუსტიციის უმაღლესი საბჭოს 2 წევრის ადგილი ისევ ვაკანტურია. 

საქართველოს პარლამენტმა  14 ივნისს იუსტიციის უმაღლესი საბჭოს 4 არამოსამართლე წევრი აირჩია, რომლებმაც დააგროვეს ხმების ნახევარზე მეტი.

იუსტიციის უმაღლესი საბჭოს წევრებად პარლამენტმა აირჩია:

1. გოჩა მამულაშვილი(კავკასიის უნივერსიტეტის კანდიდატი) –  82 ხმა.

2. . ვახტანგ თორდია (საზოგადოებრივი პროგრამების ფონდის კანდიდატი)– 91 ხმა.

3. კახაბერ სოფრომაძე (თავისუფალი განვითარებისა და უფლებების დაცვის ასოციაციის კანდიდატი) – 85 ხმა.

4. ევა გოცირიძე (საქართველოს საპატრიარქოს წმინდა ანდრია პირველწოდებულის სახელობის ქართული უნივერსიტეტის კანდიდატი)– 92 ხმა.