![პრეზიდენტი ქუთაისში ღვინის ფესტივალს დაესწრო[ფოტო]](https://netgazeti.ge/wp-content/uploads/2015/10/cms-image-000016672.jpg "პრეზიდენტი ქუთაისში ღვინის ფესტივალს დაესწრო[ფოტო]")
ღვინის ფესტივალი ქუთაისში “იმერეთის ტრადიციულ მეღვინეთა ასოციაციის” მიერ გაიმართა და ამ წუთებშიც გრძელდება. როგორც ასოციაციის თავმჯდომარემ, კოტე რატიანმა “ნეტგაზეთს” განუცხადა, ღვინის ფესტივალში 370 იმერელი მეღვინე მონაწილეობს, რომლებსაც ოჯახში დამზადებული პროდუქცია სადეგუსტაციოდ აქვთ გამოტანილი. კოტე რატიანისვე თქმით, ფესტივალის მიზანი იმერული ყურძნის ჯიშებისა და იმერული ღვინის პოპულარიზაციაა. ფესტივალზე ადგილობრივების გარდა იმყოფებიან სხვადასხვა ქალაქებიდან ჩამოსული სტუმრები და უცხოელი ტურისტები.
ფესტივალის ორგანიზებაში “იმერეთის ტრადიციულ მეღვინეთა ასოციაციას” პრეზიდენტის ადმინისტრაცია და იმერეთის მხარეში პრეზიდენტის რწმუნებული დაეხმარნენ.
