პარლამენტის დეპუტატი, ვანის და ხონის მაჟორიტარი გრიგოლ ლილუაშვილი სახელმწიფო უსაფრთხოების სამსახურის უფროსის, ვახტანგ გომელაურის მოადგილედ დაინიშნა.
“ვადასტურებ, რომ პრემიერ-მინისტრის ბრძანება უკვე დამტკიცებულია ჩემი სახელმწიფო უსაფრთხოების სამსახურში უფროსის მოადგილედ დანიშვნასთან დაკავშირებით,”- განუცხადა ლილუაშვილმა “კურიერს”.
გრიგოლ ლილუაშვილი, ვიდრე პარლამენტში აირჩევდნენ, 2016 წელს თბილისის მერის მოადგილე იყო, ხოლო მანამდე “ქართუში” სხვადასხვა მაღალ თანამდებობებზე მუშაობდა:
- თბილისის მუნიციპალიტეტი, მერის მოადგილე (2016 – 2016)
- ს/ს „ქართუ-ბანკი“, სამეთვალყურეო საბჭოს თავმჯდომარე (2015 – 2016)
- „ქართუ“ ჯგუფი, გენერალური დირექტორი და სამეთვალყურეო საბჭოს თავმჯდომარე (2015 – 2016)
- შპს Old City Development, გენერალური დირექტორი (2014 – 2016)
- შპს „ბურჯი“, გენერალური დირექტორი (2013 – 2014)
- შპს „ქართუ მშენებელი“, გენერალური დირექტორის მოადგილე (2008 – 2013)