საბერძნეთში, ძლიერი წვიმით გამოწვეულ წყალდიდობას 15 ადამიანი  ემსხვერპლა, ხოლო 37 მძიმედ დაშავდა. ამის შესახებ BBC იუწყება.

გარდაცვლილებს შორის, უმეტესად მოხუცები არიან, რომლებიც საკუთარ სახლებში იპოვეს.

წყალდიდობის შედეგად,  საბერძნეთის ინდუსტრიული ქალაქები – მანდა, ნეა პერამოსი და მეგარა დაზარალდა. ძლიერმა წყალმა დააზიანა ქალაქის ინფრასტრუქტურა, დაანგრია სახლები და გადააყირავა მანქანები. როგორც ნეა პერამოსის მერმა BBC-თან საუბარში განაცხადა, ბოლო მონაცემებით 1000-მდე სახლია განადგურებული, რაც ქალაქის მესამედია.

რაც შეეხება, ქალაქ მანდრას, აქ დახურულია 20-ზე მეტი სკოლა. როგორც,  CNN-ს ქალაქის მერიაში განუცხადეს, წყალდიდობის დროს, მოსახლეობა “დამწყვდეული იყო საკუთარ სახლებში”. მათ ამჟამად არ მიეწოდებათ წყალი და ელექტროენერგია.

საბერძნეთის პრემიერ მინისტრმა, ალექსის ციპრასმა ეროვნული გლოვა გამოაცხადა და დაზარალებულს ყველა საჭირო დახმარების გაწევას დაჰპირდა.