ყველა უბანზე მობილიზებულია მანქანები, მე ვიყავი დაახლოებით 10 უბანზე და ყველგან არიან მობილიზებული, მით უმეტეს სოფლებში. ძალოვანები რომ არიან აშკარად ეტყობათ,”- განაცხადა ჩაჩანიძემ.

კითხვაზე, რას აკეთებენ ისინი და ზეწოლის ფაქტები ხომ არ არის, ზაზა ჩაჩანიძე პასუხობს, რომ ჯერ ვერ იტყვის:

“ჯერ არ გვაქვს, ველოდებით ინფორმაციას,” – განუცხადა მან ჟურნალისტებს.

“ნეტგაზეთმა” ბორჯომში რამდენიმე უბანთან, მაგალითად, მე-7 და 27-ე უბანთან, დააფიქსირა ავტომანქანები, რომლებშიც პოლიციის ფორმიანი ადამიანები ისხდნენ.

შკითხვაზე – რატომ არიან მობილიზებული? – მანქანის ფანჯრები დაკეტეს და გვითხრეს, რომ კითხვებს შსს-ს პრესსამსახური უპასუხებს.

შსს-ს პრესსამსახურის ცნობით, გარკვეული რაოდენობა პოლიციელებისა საარჩევნო უბნებთან მართლაც იმყოფებიან, რომლებმაც უნდა უზრუნველყონ ადგილზე უსაფრთხოება. შსს-ს განმარტებით, ისინი არ სხედან საპატრულო პოლიციის მანქანებში, ვინაიდან არ არიან პატრულის თანამშრომლები და წარმოადგენენ კრიმინალურ პოლიციას. პოლიცია უბნებთან არჩევნების პროცესის დასრულებამდე დარჩება.