“ძალიან დამამწუხრა დღეს ავღანეთში შვიდი მამაცი ქართველი ჯარისკაცის დაღუპვამ. ჩემი ქვეყნის სახელით გულწრფელად ვუთანაგრძნობ დაღუპულთა ოჯახებს, აგრეთვე, ქართველ ხალხსა და სახელმწიფოს.
“ამ ჯარისკაცებს თავს დაესხნენ, რადგან ისინი ძლიერები არიან; იბრძვიან თავდაუზოგადავად და უშიშრად, ყველა ქართველისათვის დამახასიათებელი სიმამაცითა და გმირობით; იბრძვიან ამერიკელი საზღვაო ქვეითებისა და ავღანეთის ჯარის მხარდამხარ, როგორც მათი ტოლ-სწორნი, მეგობრები და ძმები; იბრძვიან ჩვენი საერთო ღირებულებების დასაცავად”, – ნათქვამია ნორლანდის განცხადებაში და აღნიშნულია, რომ გენერალი ბრიდლავი, რომელიც ნატოში ამერიკული შეიარაღებული ძალების მეთაურია, დღეს საღამოს პრემიერ-მინისტრ ივანიშვილს ესაუბრა, გულწრფელად მიუსამძიმრა და დაუდასტურა საქართველოს შეიარაღებული ძალების მხარდაჭერა.
“გახსოვდეთ ყოველთვის, რომ ამ ბრძოლაში საქართველო მარტო არ არის: შეერთებული შტატები იმუშავებს საქართველოსა და ნატოელ მოკავშირეებთან ერთად ახალ საფრთხეებთან გასამკლავებლად.