ნაძალადევის 85-ე უბანი ერთ-ერთია, რომლის მიმდებარე ტერიტორიაზე ავტომობილები დგას. ავტომობილებთან მდგარი მოქალაქეების თქმით, ისინი რიგითი ამომრჩევლები არიან.

დღეს, 27 აპრილს, საქართველოს სამ საარჩევნო ოლქში – ნაძალადევში (თბილისი), ბაღდათსა და სამტრედიაში შუალედური საპარლემენტო არჩევნები იმართება. აღნიშნული ოლქების ამომრჩევლებმა დღევანდელი არჩევნების შედეგად მაჟორიტარი დეპუტატები უნდა აირჩიონ. ყველაზე მეტი – 10 მაჟორიტარობის კანდიდატი ნაძალადევის ოლქშია რეგისტრირებული, ბაღდათში – 8 და სამტრედიაში – 5.