ახალი ამბები

ქუთაისის აეროპორტში უამინდობის გამო რამდენიმე რეისი შეფერხდა

5 ივლისი, 2017 • 2844
ქუთაისის აეროპორტში უამინდობის გამო რამდენიმე რეისი შეფერხდა

ქუთაისის საერთაშორისო აეროპორტის ცნობით, ავიაკომპანია ვიზეაირის რეისი, (W66409) მემინგენი – ქუთაისი, უამინდობის გამო დაჯდა თბილისის საერთაშორისო აეროპორტში.

მგზავრების ნაწილი დარჩა თბილისში, ნაწილი ავტობუსით გაემგზავრა ქუთაისის მიმართულებით.

აეროპორტის ცნობით, რეისი ქუთაისი-ბერლინი (W66407 ) არ შესრულდა, რადგან ბორტი თბილისში იყო. ქუთაისი – ბერლინის რეისზე დარეგისტრირებული მგზავრები გადანაწილდნენ სასტუმროებში.

მგზავრის თქმით, მათ ჯერ კიდევ არ იციან, როდის დაინიშნება რეისი.

სხვა ყველა ავიარეისი შესრულდება დაგეგმილი დროის მიხედვით, აცხადებენ აეროპორტში.

მასალების გადაბეჭდვის წესი