საქართველოს მართლმადიდებელი ეკლესიის პატრიარქმა 18 ივნისს საკვირაო ქადაგებისას განაცხადა, რომ კონსტიტუციურ მონარქიას სიმშვიდე შემოაქვს ქვეყანაში, რასაც მმართველი გუნდის დეპუტატები დადებითად გამოეხმაურნენ. პარლამენტის თავმჯდომარე ამ საკითხზე სასაუბროდ ილია მეორეს შეხვდა, ხოლო ეკა ბესელიამ პლებისციტის ჩატარება არ გამორიცხა. პატრიარქის ინიციატივასა და ქართული ოცნების ლიდერების შეფასებებს საზოგადოების ნაწილი კრიტიკულად შეხვდა; სოციალურ ქსელში ამ საკითხზე ძირითადად სახუმარო პოსტები იწერება.